COVID-19: ЫСЫК-КӨЛДӨ ВАКЦИНАГА СУРОО-ТАЛАП ӨСҮП ЖАТАТ

Ысык-Көл облусуна берилген 12 000 доза “Sinopharm” жана 4000 доза “ГамКовидВак” вакциналары дээрлик жасалып бүттү. Бул боюнча Ысык-Көл облустук ҮМБнун директорунун орун басары Лилия Бектурова билдирди. Анын айтымында, калк арасында жергиликтүү иммунологдор жана ден соолукту чыңдоо адистери тарабынан жүргүзүлгөн түшүндүрүү иштеринин натыйжасында вакцинага суроо-талап күн сайын өсүп жатат.